O presidente da Deputación de Ourense, Luis Menor, participou hoxe na entrega da 41ª edición deste certame, un dos máis prestixiosos das letras galegas, que este ano recoñece o traballo de Cynthia Menéndez e Carmen V. Valiña. Na súa intervención, Menor puxo en valor a traxectoria deste premio que é “unha institución en si mesma” e o apoio real da Deputación desde o nacemento deste certame porque a cultura ocupa “un lugar prioritario na nosa folla de ruta”.